Et war ni méi einfach eis z'ënnerstëtzen. Mir schätzen all Bäitrag. Hei drënner ass en Iwwerbléck iwwer eis Spendenaktiounsziler.  

​

D'Wierk: Konscht a Literatur an ... depressiven Zäiten ?!

Mir, d'"Shadows' Night" asbl, wëllen Iech de Projet "Edgar - Poe" virstellen. D'Zil vum Projet ass et e Mediabook ze kreéieren. Dëst soll jonk Leit d'Wierker vum Edgar Allan Poe méi no bréngen an hinnen hëllefen depressiv Symptomer z'erkennen an ze handelen. Eist Mediabook kombinéiert Literatur mat Musek.

 

Firwat Edgar Allan Poe?

An dësen Zäiten, déi vum Covid geprägt sinn, hu virun allem déi Jonk vill missen verzichten. Dës Restriktiounen hunn en negativen Effekt op d'Psyche vu ville jonke Leit. Well d'Thema "Depressioun" nach ëmmer en Tabu ass, wëlle mir dëst Buch benotze fir Är Opmierksamkeet drop ze riichten an déi betraffe Leit encouragéieren den Dialog ze sichen. Den Edgar Allan Poe huet säi ganzt Liewen un Depressioune gelidden. Ausgewielte Passagen aus dem Liewen a Wierker vum Edgar Allan Poe, a moderner Verpackung, kënne jonke Leit hëllefen, Symptomer vun Depressioun bei sech selwer an aneren ze erkennen. Andeems Dir Iech an d'Laag vun enger anerer Persoun an hirer emotionaler Welt eraversetzt, kënnt Dir Parallelen zu Ärer eegener emotionaler Welt gesinn. Awer Dir mierkt och datt Dir net eleng sidd an datt vill Leit, dorënner bekannte Kënschtler, déiselwecht Problemer hunn. D'Texter wéi och déi passende Musek reflektéieren dës Stëmmung. Donieft soll dat zweesproochegt Buch déi jonk Leit op eng modern Manéier un déi klassesch Literatur vum bekannte Schrëftsteller Edgar Allan Poe eruféieren. Et wier eis immens wichteg, wa mir deene Jonken gratis Musek a Bicher kéinte zur Verfügung stellen.

 

Jidderee soll Zougang zu Konscht a Kultur hunn!

Dofir wiere mir frou, wa Jonker an Enseignanten aus Lëtzebuerg hirt Exemplar gratis kéinten ufroen. Gratis Aarbechtsbicher fir Schoulen sinn an Aarbecht. D'Buch enthält Downloadcodes fir den Album vun der Band ShadoWhisperS op Spotify, iTunes an aner Streaming Servicer. Esou kënnt Dir d'Liesen an d'Musek kombinéieren.

 

Vu wiem kënnt d'Musek am Mediabook?

D'Band "ShadoWhisperS" huet an de leschte Joeren un engem Poe Konzept Album geschafft an huet d'Kuerzgeschicht "The Black Cat" a verschidde bekannte Gedichter vum berühmte Schrëftsteller a Musek ëmgesat. Donieft ass, an Zesummenaarbecht mat "Shadows' Night Asbl", e Buch (+/- 170 Säiten Inhalt am Format 12,50 cm x 12,50 cm) mat passenden Illustratiounen entstanen. D'Lyrics sinn och an dësem Buch ze fannen. Si ginn an enger spannender Geschicht zesummegefaasst a ginn Abléck an dem Poe säi Liewen. Am Buch „Edgar“ erzielt dem Poe säi Kueder de Lieser wéi dem Poe seng Geschichten a Gedichter entstane sinn. E puer Elementer kommen aus dem Poe senger Biographie, anerer si fiktiv. Mee si dréinen all ëm dem Poe seng Wierker.

 

D'Buch ass op Däitsch an Englesch geschriwwen. D'Lyrics (op Englesch) sinn an den eenzelne Kapitele bäigefüügt. Déi Jonk sollen encouragéiert ginn déi zwou Sproochen ze liesen an och d'Lidder ze héieren an ze verstoen. Donieft soll d'Mediebuch Interessi fir dem Edgar Allan Poe seng Wierker ervirruffen an hëllefen seng düster Stëmmung besser ze verstoen.

 

Workshops fir jonk Leit

Zënter e puer Joer setzt d'"Shadows' Night Asbl" sech als Zil, d'Metal- a Rockmusek Kanner a Jugendlecher méi no ze bréngen. Gratis Concerten an Ateliere fir d'ganz Famill zum Thema Konscht a Musek hunn dacks zu flotte Projete gefouert. Eist Mediebuch soll e weidere Schrëtt an déi Richtung sinn, fir déi Jonk op eng liicht aner Manéier fir d’Kultur ze inspiréieren. D’Verbindung tëscht Konscht a Literatur ass eis an dësem Projet besonnesch wichteg.

​

Atelieren

• Ënnert der Leedung vun ënner anerem Danielle Jung, Infirmière spezialiséiert fir Psychiatrie an Infirmière Educatrice am Lycée Technique pour Professions de Santé (LTPS)

• Zil: Weisen weisen fir depressiv Symptomer ze erkennen an Hëllef ze kréien

• Method: Gefiller a Gedanken op kreativ Manéier auszedrécken (Konscht & Musek).

 

Aarbechtsmapp 

• fir Schoulen a Jugendhaiser

• Basis Informatiounen iwwer Depressioun

• Wichtegkeet vun Nolauschteren

• Stäerkung vun Self-Wäertschätzung

• Entdecken vun eegene Ressourcen

• Hëllef fir professionell Ënnerstëtzung ze fannen

 

Mir ginn awer méi wäit wéi nëmmen d’Verëffentlechung vu Musek a Bicher. D'"Shadows' Night" asbl plangt Atelieren iwwer Depressiounspréventioun fir jonk Leit. D’Madame Danielle Jung, Infirmière spezialiséiert fir Psychiatrie an Enseignante am „Lycée Technique pour Professions de Santé“ wäert déi Jonk zum Thema „Depressioun“ sensibiliséieren an hinne konkret Weeër weisen, fir depressiv Symptomer ze erkennen an ze bekämpfen. D'Madame Jung ass och Bassistin an der Band "ShadoWhisperS".

 

Nieft dem Thema "Depressioun" ass de gratis Zougang zu all Form vu Konscht fir eis wichteg. D'Aarbecht vun engem Kënschtler gëtt dacks en Abléck a säi mentalen Zoustand (Beispill: "Vincent Willem" vum Van Gogh). D'"Shadows' Night" asbl plangt Atelieren a weist de jonke Leit Weeër fir hir Gefiller a Gedanken op eng kreativ Manéier a Form vu Konscht auszedrécken. Eng méiglech Art a Weis ass op Musek ze molen oder eng Fotocollage ze kreéieren, mat uschléissend enger Diskussioun iwwer d'Wierker. Zousätzlech kréien all Participanten wichteg Basisinformatiounen zum Thema Depressioun. Mir wëllen déi Jonk op d’Wichtegkeet vum Nolauschteren, d’Stäerkung vun de Selbstschätzung an d’Méiglechkeet vu professioneller Hëllef opmierksam maachen.

 

Eis Partner

Fir dësen ambitiéise Projet duerchzeféieren, kritt och d'"Shadows' Night" asbl Hëllef.  

Sponsoren & Partner

Mir sinn a konstante Verhandlunge mat anere méigleche Partner. D'"Shadows' Night" asbl wier frou Iech als Supporter vun dësem Projet ze hunn.